Festival integrAcción

FOTOGRAFÍAS DO integrAcción 2006

2006-08-23T19:46:00.000+02:00

Xa tedes dispoñible o álbum de fotos do festival (á dereita na pantalla; seguide o dedo, jeje), no cal podedes votar e comentar as vosas fotografías preferidas.

Pouco a pouco iremos engadindo máis fotografías, e axiña tambén teredes a posibilidade de ver vídeos das actuacións de todos os grupos que participaron no integrAcción 2006, para que todos os que asistístedes lembredes o ben que o pasamos, e os que non estiveron tambén poidan disfrutar do seu magnífico traballo.

Tambén podedes acceder dende aquí ó Álbum de fotografías de InfoRosal.com, e ó Álbum de fotografías de LosAbrasivos.com, ó Álbum de fotografías de PrimerGradoWeb.tk, e ó Fotoblog de EnVigoYEnDirekto.

GRAZAS!!!

2006-08-21T19:59:00.000+02:00

Dende a organización queremos agradecervos a todos e todas pola vosa participación.

Próximamente teredes aquí disponible o álbum de fotos do integrAcción 2006.

Saúdos e ata a próxima.

HORARIO DE ACTUACIÓNS

2006-08-18T09:05:00.000+02:00

17:50 h area
18:40 h The Telephones
19:30 h Primer Grado
20:20 h Los Abrasivos
21:10 h Creole Kings
22:00 h Skarnio
23:00 h Samesugas
00:00 h Los High Sierras
01:30 h Sex Museum
03:10 h Fungo

CREOLE KINGS, SUSTITÚE A KOGITO NO "integrAcción 2006"

2006-08-17T21:25:00.000+02:00

Debido a baixa por enfermidade de dous membros do grupo (baixo e batería), KOGITO non poderán participar na edición deste ano do Festival "IntegrAcción 2006".
No seu lugar estará o grupo CREOLE KINGS.

CREOLE KINGS

Nos tempos que corren resulta gratificante atopar formacións musicais como as de antes, sen reviravoltas, directas ó gran. Isto é exactamente o que nos propoñen CREOLE KINGS, trío acústico formado en VIGO a principios de 2005 e integrado por Alberto Cunha (Voz Solista), Andrés Cunha (Guitarra e Voz) e Jacobo Jiménez (Guitarra e Voz). Maila a súa aínda curta existencia, os "Reis do Criollo" posúen unha bagaxe artística difícil de atopar: Alberto Cunha cóntase entre os "Showmans" máis reputados do momento, á vez coa súa carreira como "Crooner" de éxito, avalada por numerosas aparicións en TV e outros medios, así como innumerabeis actuacións en directo. Na actualidade, Jacobo e Andrés forman a poderosa sección rítmica dos HIGH SIERRAS, unha das bandas de Rock das que máis se fala últimamente.

Cómo definir o son desta banda sen incurrir en tópicos inúteis?
Sinxelo: dobre xogo de guitarras adornado cun exquisito trío vocal dos que xa escasean. Eles defínense como THREE STAR ACOUSTIC TRIO!!!

E qué fan?
Unha sabia mestura de Country, Blues e Pop da década dourada (Elvis, Beatles, Creedence, Bravos, etc.) con mención especial para as baladas, o seu verdadeiro forte.

TODO DISPOSTO PARA A GRAN FESTA DA MÚSICA E A SOLIDARIEDADE

2006-08-16T13:10:00.000+02:00

O próximo sábado 19 de agosto, a partir das 6 da tarde, voltarán a unirse unha vez máis a música e a solidariedade. Celebramos os 25 anos do San Xerome, e nestes 25 intensos anos a música axudounos a superar máis dunha crise. Porque a música está permanentemente connosco: nas celebracións, como terapia, ocio e diversión, unindo culturas diferentes cos nosos colegas portugueses, como método integrador coa xuventude (Xerock) ... e tamén nas dificultades, onde xurde con forza a faceta solidaria dos nosos amigos os músicos.

O noso aniversario queremos tamén unilo para sempre coa música, co rock intenso, comprometido, enérxico e sen complexos. Precisamos ese contaxio!

Todo está disposto para a gran festa, e queremos agradecer dende aquí a todos aqueles que, independentemente dos resultados finais do concerto, apostaron por nos: as diferentes administracións, as ONGs, os medios de comunicación locais, empresas e casas comerciais, os voluntarios/as e os artesáns. Graciñas!

Queremos informar tamén de xeito resumido dalgúns aspectos técnicos do Festival:

• A entrada será gratuita.
• Os prezos das barras serán os máis baixos de tódolos festivais galegos.
• Participarán máis de 70 músicos dos diferentes grupos.
• Máis de 50 voluntarios se encargarán do desenrolo do Festival (limpeza, orde, barra, catering ...). Neste grupo de voluntarios/as, hai unha importante representación de irmáns de usuarios do Centro, cos que pretendemos crear un grupo estable de traballo.
• ANPA e Xunta Directiva estan a ter tamen un papel determinante.
• Os integrantes do Campo de traballo Santa Tegra, colaborarán en diferentes aspectos do Festival.
• No Festival 4 grupos faran a presentación do seu recentísimo último disco:
 Sex Museum: “United”
 Samesugas: “Alá vai!”
 Los High Sierras: “Fortune & Venture”
 The Telephones: “Inside/Outside”
• Na zona solidaria estarán presentes as Asociacións: Avelaiña, Vontade, San Xerome, Alento, Comercio Xusto Atalaia, Solidariedade Internacional, Anabam, Implicadas no desenvolvemento, Erguete e a campaña do Centro de asesoramento afectivo – sexual para a mocidade “Querote”, da Vicepresidencia da Igualdade.
• Na zona comercial haberá presencia de artesáns, ademáis da venda do “merchandising” dos grupos participantes.
• Os concertos iniciaranse as 6 da tarde, co grupo local area, e a continuación The Telephones, Primer Grado, Los Abrasivos, Kogito, Skarnio, Samesugas, Los High Sierras e está previsto que os míticos “Sex Museum” actuen a 1 da madrugada, e para rematar, actuarán Fungo aproximadamente ás 3 da mañán.

Máis información:
676 966 222 (Carlos González)
659 347 525 (Víctor Fuggetto)
687 732 651 (Faber Produccións)

THE TELEPHONES

2006-08-14T19:39:00.000+02:00

Formados en 1998 en Candeán, Vigo, The Telephones é unha formación de cinco membros que practican un estilo próximo ó power-pop ou ó punk-pop na súa vertente máis clásica. Tódalas súas letras están en inglés e a temática repasa os temas máis clásicos da sociedade contemporánea; a vida moderna, a cidade, as relacións entre as persoas, o paso do tempo o desexo de vivir unha existencia pletórica.

Procedentes doutros grupos e presentes en proxectos paralelos, The Telephones distínguense polo seu sonido potente pero melódico, onde os estribillos teñen gran importancia á hora de transmitir tanto a mensaxe coma a sensación de identificación co estilo.

Sen perder de vista o tempo no que viven, The Telephones teñen unhas claras raíces no beat británico e o rythm and blues americano dos 60 via The Kinks, Hollies ou The Kingsmen e compañía. Sen embargo as súas raíces máis claras danse na revolución punk e a new wave de finais dos 70.
Os seus gustos abarcan desde The Nerves-Paul Collins, Nick Lowe, Costello, The Romantics, Sex Pistols,The Ramones e os clásicos dos 50 Bo Diddely e Chuck Berry.

Discografía seleccionada
Ó longo deste periodo de tempo The Telephones gravaron y auto-editaron as súas composicións en distintos CDs e agora en 2006 están a punto de publicar un novo producto que os radiografía no seu estado actual.

MINI CD- SAY WHAT YOU WANT 1998
CD- FADED PHOTO SNAPS 1999
MINI CD- TIME TUNNEL 2000
CD- ROLLERCOASTER 2002
CD- INSIDE/OUTSIDE 2006 (a punto de saír)

COMPOÑENTES
GUITARRA: MANUEL MARTÍN
BATERÍA: SANTI SILVA
BAIXO: MANO
GUITARRA: LUIGI BOUZA
VOZ: JUAN VÁZQUEZ

Contacto: 679 130 912 / 692 605 573

SAMESUGAS - Alá Vai!

2006-08-10T17:52:00.000+02:00

Samesugas é umha banda de rock&roll formada em Santiago de Compostela a finais do 99. Ao mes de nascer apressuram-se a gravar e editar um miniCD titulado “Pocket Monsters”,actualmente agotado, e arrancam o seu historial de concertos por toda a geografia galega.
Despois dum cámbio de baterista volvem gravar em diferentes estudos e vem editadas as suas músicas em discos compilatórios de diferentes lugares do mundo (Suecia, Alemania, Japom, Espanha,…), entre os que destaca o tributo aos noruegueses Turbonegro "Alpha Motherfuckers” junto a bandas do calibre de Supersuckers, Nashville Pussy, Dwarves, Zeke ou Ratos de Porao.
Durante este tempo nom param de tocar ao vivo intercalando peças próprias com variadas verssons que escolhem de entre das suas bandas favoritas de todos os tempos (Dead Boys, Easybeats, Reverend Horton Heat, Hanson Brothers, Union Carbide Productions, Wipers,…). Recorrem grande parte da geografia ibérica e no ano 2003 fam umha escapada a Finlandia para presentar um EP 7’’ compartido cos finlandeses Garage 13. Esse mesmo ano a editora catalana H-Records edita o 10’’ Machine in your Brain que inclue 7 composiçons próprias e duas verssons (Motörhead e Gene Vincent), e que posteriormente será reeditado em CD com dous cortes extra.
Os concertos seguem acumulando-se na agenda do grupo, visitando Catalunha, Valencia, Euskadi, Madrid, Asturias, León, … e entrando cada vez máis no circuito português, sobretodo na zona norte, participando em festivais e colaborando com diferentes bandas lusas.
A finais de 2005 fam um pequeno descanso nos concertos para centrar-se na preparaçom dum novo disco e em Fevereiro de 2006 entram nos estudos Bonham da Corunha a gravar um feixe de novas cançóns. 14 peças serám as escolhidas para formar parte do LP/CD “Alá Vai!”, editado por H-Records e que se pode considerar o primeiro “disco grande” da banda compostelana.
Umha vez rematado o trabalho de estudo, os Samesugas nom podem esperar à saida do disco e volvem às estradas a cuspir o seu directo, empezando por Galiza e Portugal para continuar por Madrid e finalmente fazer a pressentaçom oficial em Compostela numha festa 4º aniversário da editora H-Records na que também se presenta o compilatório “Rock’n’Roll se escribe con H”.

Punk, rock’n’roll, garage,… os principios básicos seguem a ser os mesmos, para saber máis escoita “Alá Vai!” ou asiste a algum dos seus sanguinarios concertos.

Discografía:
• CD EP Pocket Monsters (Lixo Urbano, Galiza 2000)
• 7’’ EP compartido con Garage 13 (Bad Attittude, Finlândia, 2003)
• 10’’ Machine in your Brain (H-Records, Catalunya 2003)
• CD Machine in your Brain + Bonus (H-Records,/ Lixo Urbano, 2004)
• LP/CD Alá Vai! (H-Records,2006)

Compilatórios:
• CD Killer Lixo Vol. 2 (Lixo Urbano, Galiza 2001)
• CD / 2LP Alpha Motherfuckers Vol. 1 (Bitzcore, Alemania 2001 /Hopeless,USA 2001,
Silver Rocket/Ascension Records, Australia 2001)
• 7’’ EP Collection of Great Dance Tunes Vol. 2 (HDP Records, Suecia 2002)
• CD Riot on the Rocks Vol. 5 (Safety Pin Records, Espanha 2002)
• CD Rawk’n’roll Revolution (Myrmecoleo Records, Japom 2002)
• CD Rock’n’Roll se escribe con H (H-records, 2006)

Contacto:

H Records:
P.O. Box: 325, 43280 Reus Telf: 977342683
e- mail: hrecords@hrecords.com
www.hrecords.com

Samesugas:
Apdo. 304. 15700 Compostela Telf: 619535692
e-mail: samesugas@gmail.com
www.samesugas.com

PREZOS POLO CHÁN!!!!

2006-08-09T18:02:00.000+02:00

O prometido e débeda: o noso compromiso dende o principio foi o de poñer os prezos máis económicos que xamáis se verán nun festival... votade unha ollada:

CERVEXA 33cl, REFRESCO e AUGA.....................1,00€

CERVEXA 1L........................................................2,50€

CALIMOTXO 1L....................................................2,00€

CUBATA whisky, ron, ginebra...................................2,50€

CUBATA whisky, ron, ginebra 1L...........................5,00€

BOCATA queixo, chourizo, etc...................................2,00€

Recordade que non se poderá entrar ó recinto con priba, e con estes prezos non tedes excusa meus!

SKARNIO a revolta galega a ritmo de ska

2006-08-07T20:02:00.000+02:00

Coherencia nos feitos e eficacia nas formas, festa, luita e compromisso som as palavras que definem a èste colectivo polìtico-musical galego que nasce no bairro viguès de O Calvario, para convertir-se nove anos depois num colectivo nacional, com os seus integrantes em Vigo, A Corunha e Ourense.
Alà polo ano ´96 comeza a rodar Skàrnio, militando ao vivo por diversas causas as que considerabam tamèm sùas. Case sen levar um ano como banda entram no estudo para grabar uma cançòm para um CD recompilatorio titulado “Oito anos de secuestros” editado por Gralha. No ano 1999 Skàrnio entram no estudo para grabar o que serìa o seu primer disco titulado “A filosofìa de acçom da guerrilla urbana”, disco con muito boa presentaçòm gràfica e no que musicalmente mostram-nos uma mezcla de ska y raggamuffin com pinceladas de hip hop na voz. Colaboran no disco gente de Skacha, Disturbio 77, Nen@s da revolta. “A filosofìa de acçom da guerrilla urbana” lanza a Skàrnio a tocar em toda Galiza, facendo gira de presentaçòm, chegando a Portugal e visitando esporàdicas veces o estado español.
Depois deste disco a banda segue tocando ao vivo durante case tres anos mentras fam algumos trocos na formaçóm à vez que participan em diversos cd´s recopilatorios como poden ser: “guerrilla urbana”, “elkartasun eguna”, “Revolta sonora”…

Passada esta etapa primária, Skàrnio alcança um acordo com o selo català chamado “Propaganda pel fet” e edita um segundo disco titulado “Arredista”. Neste álbum a banda perfecciona tanto o desenho como a mùsica conseguindo um bom nivel, adquirido ao longo dos anos e de tanta experiencia. A banda toma o arredismo como bandeira política e explicam nos, nas suas letras e textos, o independentismo de pre-guerra, o desastre do Prestige, a difícil situaçóm dos inmigrantes.
Músicalmente a banda centrase no ska e as suas variantes mezclando ska clásico e ska acelerado com muito bom resultado. Participa no disco gente como Alex “Inadaptats”, Iñaki “Betagarri” ou “Quempallou” dando ainda mais calidade final. Todos os temas som em galego e incluem também uma versióm em clave Folk de Suso Vaamonde. Com “Arredista” lanzanse de gira em Galiza, Portugal (chegando a tocar no festival “Avante” em Liboa) e os Paisos Catalans obtendo boas críticas e sendo invitados a participar em diversos festivais e festas onde amosam a gram forza dos seus directos sendo hoje em día Skàrnio uma das bandas a ter muito em conta no panorama do estado español.
Actualmente seguem tocando ao vivo, estando já convidados a uma pequena gira polo estado francés à vez que preparam o que será o seu terceiro disco.
Contratación:
Telf.:
Manuel +34 661 570 281
Afonso +34 661 016 723
e-mail:
roberskarnio@hotmail.com

KOGITO, festa rachada.

2006-08-03T17:13:00.000+02:00

KOGITO... Penso... en... pasalo ben, montar festa e bailar: Esa é a nosa proposta. Un consolidado grupo de nove compoñentes que saen á carreira con gañas de amosar un variado e divertido directo cheo de ska, punk-rock, reggae e mestizaxe, letras desenfadadas, certo tono de protesta, ritmos latinos cheos de percusión e melodías pegadizas vibrando nos metais preciosos que fan imposible evitar que o ritmo entre nos teus pés. ¿Serás capaz de manterte completamente inmóvil?

Despois de oito anos dunha intermitente traxectoria queremos presentar, por fin, o noso primeiro traballo composto por 5 temas. Un traballo feito nos Muu! Estudios, en Vigo, baixo a batuta de Pedro Feijoo (excompoñente de KGBEN e LOS FELIZ e actual baixista de LAMATUMBÁ) e os seus secuaces, Pali e Charli. Nel mestúranse a madurez dos temas cunhas tremendas gañas de festa e de verbena que queremos compartir con todos vós. A banda está formada por Isaac e Nacho (voces), Jacobo, Cris e Miguel (ventos), Rubén (percusión), Saúl (batería), Juan e Valen (guitarras) e Mario (baixo).

A nosa nova etapa comeza este ano 2006 facendo un percorrido polas distintas salas e festivais da Galiza presentando o noso primeiro traballo, pensando en que isto non sexa unha mera ilusión pasaxeira.
Tampouco hai que olvidar que este proxecto, chamado KOGITO, leva en pé dende hai 8 anos, pasando por distintos estilos e rachas, tanto boas como tamén malas, porque non dicilo, e esa é a propia base da banda, o afán por facer cada día algo máis.

KOGITO pode considerarse unha banda de amigos feita para amigos pensando en que esa é, e debe ser, a base de calquera cousa nesta vida. Sen ir máis lonxe o debú da banda foi no Bar Candilejas (Vigo) hai 7 anos, un concerto de amigos nun bar de amigos. Pasando por festivais coma o Freixo Rock (Vigo), tocando con bandas coma The Pepping Toms, Soak e Skacha ou no Festival Taíña (Goián) con Ruxe Ruxe e Os Tres Trebóns, así como por diferentes salas da Galiza.

PRÓXIMAS ACTUACIÓNS
Millarock : Ames : 4 de agosto
Festival SenUnCan : Carballiño : 5 de agosto
Pub El Escarabajo : A Guarda : 9 de agosto
A Noite do Trasno : Beluso : 11 de agosto
Festival Estrume’06 : Allariz : 12 de agosto
Festival IntegrAcción : A Guarda : 19 de agosto
Festival Rebumbio : Mos : 26 de agosto
Sala La Iguana Club : Vigo : 5 de setembro (+ The Toasters)

CONTACTO E CONTRATACIÓN:
www.kogito.tk
kogito_ergosum@yahoo.es
Nacho: 615158237

FRIENDS MUSIC FESTIVAL 2006, unha cita ineludible!!

2006-08-02T18:57:00.000+02:00

Recordade que os próximos 4 e 5 de Agosto temos todos unha cita ineludible na Guarda no Friends Music Festival 2006, que despois do cambio de ubicación se celebrará nas instalacións exteriores do Colexio A Sangriña.
Mais info: www.friendsmusicfestival.com

Exitazo do Concerto Benéfico

2006-07-26T19:22:00.000+02:00

Hai que ver que collonudos son os CHAMALLE X, que collonudos son os SCRIPT, e que collonudos son os TAKE APART. Hai que ver que boa xente atopamos o outro día ali traballando sen esperar nada a cambio... Dende logo pouca xente ofrécete tanto a cambio de tan pouco. Estes mozos fixeron todo o que puideron e mais para que o pasado día 24 o concerto no Escarabajo fora todo un éxito. Houbo moita xente currando para que saira todo ben, dende Berto que o mareamos para que fixera os carteis a última hora; Kasi que prestounos o seu equipo e sempre está ahí cando necesitamos un técnico de son; María no posto do merchandising... A eles debémoslles este éxito; a eles, a xente do Escarabajo (cos que sempre podemos contar!!), e as mais de cen persoas que se achegaron a disfrutar deste carnaval de música solidaria: mil grazas a tod@s!!

Despois dunha cea de risas, uns cantos chupitos de licor café e algún problemiña coa apertura do local, xa se cheiraba no ambiente que o concerto prometía. Antes de abrir as portas xa se contaban por decenas as persoas esperando na rua...

Comezaron os TAKE APART e dende logo non se pode dicir que non teñan pelotas no escenario. Levan uns poucos concertos pero veñen xa de pilotar noutras bandas. A súa música é unha curiosa mistura de rock clásico e moderno a partes iguais. Por unha parte unha voz moi correcta e ben afinada e por outro lado guitarras puntiagudas por momentos acompasadas por unha posta en escea movidiña, coa que disfrutamos moito. Para rematar versión dos Turbonegro ó canto para deixarnos ben clariño que están aqui para quedarse. Sorte e moito ánimo rapaces!!

De seguido subiron ás tablas CHAMALLE X. Aínda que nos teñen acostumados a un repertorio mais punk, agora sorprenden cuns temas mais rock-melódicos, pero sen perder esa gharra dos seus comezos. Realmente, para aqueles que lles seguimos a pista dende que comezaron, é toda unha sorpresa escoitar eses novos ritmos que incorporan, grazas a unha batería mais elaborada, nos que descubrimos unha música mais rica en matices e complexa. Agora mesmo están a grabar a súa primeira maqueta, estaremos pendentes.

E xa para rematar de prato forte tocoulle turno ós SCRIPT. Esta xente teñen un don especial para tirar p´alante fronte as adversidades; nin a distancia dos seus compoñentes, nin o abandono dun membro nin nada fai calar a esta veterana banda. Iso é amor pola música amigos... A Berto, Jony, Pacheco e Dani mólalles a filosofía de tocares en calqueira parte por complicado que pareza: ben sexa de noite ou de día; nun escenario ou nunha beirarrúa; no festival mais prometedor ou na mais olvidada sala... Atrévense con todo, e ahí está o gancho que teñen: o manganudo é poder tocar, facer iso que tanto lles chea!! E iso nótase cando están a tocar, iso é o mais importante, que transmiten. Dicindo isto non sei qué mais podo contar do concerto, temas como Social Outcast xa forman parte da banda sonora dunha xeración guardesa. Ainda porriba culminaron a actuación cunha impresionante versión do Baba O´Rilley dos WHO, na que algún que outro "expontáneo" subiu ó escenari... mellor non digo nada!

O dito: un exitazo grazas a vos.

MÁIS MÚSICA SOLIDARIA

2006-07-20T13:02:00.000+02:00

* Temos unha boa nova, o próximo luns 24 de xullo na sala Escarabajo tocarán nun concerto benéfico a favor do San Xerome as bandas SCRIPT, TAKE APART e Chámalle X, non faltedes, haberá boa música, bo ambiente e moito espíritu solidario.

Grazas dende aquí ás bandas!!!

ESCENARIO integrAcción 2006

2006-07-20T11:06:00.000+02:00

CARTEL DEFINITIVO integrAcción 2006

2006-07-19T12:35:00.000+02:00

Aquí tedes o cartel definitivo.

Recordade que os postos de artesanía e demais stands estarán toda a tarde dispostos asi que poderedes achegarvos cando queirades ó recinto, pero iso sí; as actuacións comezarán a partires das 18:00h así que non vos esquezades de traer un pouquiño de crema solar, moita sede e moitas gañas de festa!! Dentro do recinto haberá barras, mesas, WC's, ...

Poderedes ver o escenario nas próximas novas.

AREA: rock, lesións de espalda e outras historias

2006-07-18T17:00:00.000+02:00

AREA ven ó mundo en A Guarda (Pontevedra), onde as ondas do mar rompen sen descanso en compases de 4x4. Un pobo onde ademáis do bo comer e o bo beber, bo ambiente e boas vistas, sorpréndenos con proxectos coma éste, surxidos dunha activa escena musical e un grande interese pola escena HardcorePunk independente.

Elías, Iván, Roxo e Víctor Fuggetto son os responsábeis de que este fillo bastardo da música vexa a luz a finais de 2001... Aínda que distanciados da etiqueta HardcorePunk a primeira escoita, hai que destacar que estes mozos levan media vida entre discos e concertos deste estilo, do cal nin renegan nin queren desvincularse porque no fondo son unha banda de HardcorePunk con alma de Rock; hay cousas que se levan por dentro sen necesidade de mostrarlas demasiado.

AREA é deses grupos que en directo empezan tímidamente e terminan desbaldindo enerxía e paixón e empápannos a todos coa súa suor, as súas cancións e todos vibran coa sua música, onde semella que todo se improvisa sen parar de fluir, sen que o ritmo trastoque o seu camiño, e sen que nos demos conta de que as cancións son pequenas historias seguidas, coas suas doses de caos e de dulzura que nos arrastran por paraxes cheas de sentimento.

As guitarras son parte fundamental de AREA, o seu son é complexo e técnico, moi persoal tamén, pero sobor de todo moi rockeiro. Pódenche recordar a bandas de Bcore como AINA o SHANTY Rd., pero tamén a bandas do calibre de TEXAS IS THE REASON ou CHRISTIE FRONT DRIVE, e incluso con matices ó primero dos suecos STARMARKET, melancolía e raiba contida envolta en melodía guitarreira. Aquí o primeiro é a música e a voz vai marcando o resultado final do conxunto, unha voz ás veces titubeante e rasgada, e outras agresiva e firme.

escrito por Antonio GAZMUZ

Mais info: www.areaarea.tk
www.myspace.com/areaarea
www.diasdejuventud.net

NOTICIAS integrAcción

2006-07-17T13:01:00.000+02:00

A organización do integrAcción 2006 comunícavos que están a pasar unha morea de cousas favorables con respecto ó festival, aquí van un par delas:

* O pasado xoves 13 de xullo tivemos unha reunión con toda a xente que voluntariamente colaborará o día 19 no recinto, e a verdade é que nos sorprendeu a afluencia de xente disposta a traballar. A seguinte reunión será o día 31 de xullo ás 20:00h no Centro San Xerome e animamos dende aquí unha vez máis a que se achegue quen queira, ben como entidade (ONG's, Asociacións, ...), ou ben de maneira individual. Toda colaboración será ben recibida.

* A partir de agora xa podedes entrar na web da integración tecleando simplemente www.integraccion.tk (non olvidedes as dúas "c"), será moito máis cómodo e rápido. Non deixedes de visitala día a día porque temos moitas novas.

* Proximamente colgaremos na páxina un plano detallado de cómo chegar dende as distintas provincias galegas, así como tamén un plano da Guarda, os aloxamentos, ... Tamén poderedes ver na web unha foto do escenario, o deseño do cartel e o noso compromiso dende o principio: os prezos populares das barras.

* Haberá moitos postos dentro do estadio (artesanía, comercio xusto, ...), e queremos construir un espazo solidario con stands dispostos para tódalas ONG's que teñan interese en estar presentes no evento. Os interesados tedes que avisar antes do 1 de Agosto ó tlf 676 966 222.

Para calquera duda podédevos dirixir ó mesmo número.

Un saúdo.

ONDE ALOXARSE

2006-07-14T12:11:00.000+02:00

-HOSTAL BRUSELAS (a 100 m do recinto) C/Orense, 7 Tlf: 986611121
-HOTEL CELTA (a 20 m do recinto) C/Galicia, 53 Tlf: 986610445
-CAMPING Sta. Tecla "1ª Categoría" (a 1 km do recinto, situado na desembocadura do río Miño, nun entorno escepcional)
www.campingsantatecla.com

COMO CHEGAR

2006-07-14T12:05:00.000+02:00

ORXÍA PUNK-ROCK

2006-07-13T10:46:00.000+02:00

Falar dos Abrasivos é falar de festa desenfreada. Os seus directos son auténticas homenaxes á luxuria, homenaxes ó punk-rock na súa vertente máis lasciva. Ésta tropa convirte cada escenario que pisa nunha orxía de provocación e agora veñen xa de volta de presentar o seu primeiro traballo, "Bajo Tus Pies", pola xeografía galega.

O 19 terémolos no escenario da integración e de seguro veñen dispostos a violar os nosos ouvidos co seu son pecaminoso... e atención que xogan na casa!
- "Fillo, quero falar contigo."
- "Claro papá, de qué se trata?"
- "A túa nai atopou no teu cuarto un disco de rock, Los Abrasivos, e estamos moi preocupados... non queremos que escoites ese grupo."
- "Iso é imposible papá... porque eu toco nos Abrasivos!!!"

integrAcción 2006: ALTAMENTE RECOMENDABLE

2006-07-12T11:28:00.000+02:00

O Festival integrAcción 2006 da un pasiño mais adiante e faise notar nas esferas culturais-musicais da Radio Galega, pasando a ser un evento "altamente recomendable" no programa Estudio 3 que se emite de luns a venres de 00:00 a 01:00 e que conduce o mítico locutor Ricardo Alonso.
...Isto marcha amigos!!

LOS HIGH SIERRAS ...To Serve and Protect R´n´R!!

2006-07-11T12:17:00.000+02:00

¿Alguén de vós viu algunha vez a peli "El último refugio"? Personaxes desoladas, tipos duros, mulleres que abruman coa súa beleza, vinganzas... Pois para os Los High Sierras este clásico dos anos corenta de Raoul Walsh é toda unha declaración de pricipios!! Directos explosivos i esa actitude de "rockanrolear toda a noite" son os ganchos desta banda coa que temos o privilexio de contar no festival.
Agora estes catro mozos de Vigo prepáranse para presentar próximamente o que será o seu segundo longo despois do flagrante debut de "Los High Sierras" (City Lights Recs.), que será editado pola mesma casa e levará o nome de "Fortune & Venture".
Agardamos con impaciencia a sua aparición sobor das táboas o día 19...
Máis información: www.loshighsierras.com

ATENCION VOLUNTARIOS/AS

2006-07-10T11:09:00.000+02:00

O día 13 de Xullo ás 20:00 horas no segundo piso do Centro San Xerome celebraremos unha reunión na que invitamos a todos/as aqueles/as que teñan interese en colaborar co Festival o día 19 de Agosto dentro do recinto, polo tanto animamos dende a organización do integrAcción a que se achegue todo o mundo.
...e citando unha das letras de XEROCK despedímonos:
"Voluntario, voluntario son, que alguén me diga onde vou..."

FUNGO, a última incorporación ó Festival integrAcción

2006-07-07T18:53:00.000+02:00

COMPOÑENTES:
VÍCTOR (GUITARRA), COCO (BAIXO), NICO (BATERÍA) E ALE (VOZ).

Grupo de música que nace no ano 2000 na Illa de Arousa con inquedanzas contemporaneas á hora de compoñer e traballar as súas melodías, sendo capaces de captar o interese do público en xeral.

Despois de ter gravado e compartido esceario con diveros grupos da escea galega (tamén estatal), foi a finais de 2005 cando deciden meterse en estudio baixo a producción de Segundo Grandío no estudio "CASA DE TOLOS" en Gondomar, para realizar a maqueta composta por 5 temas, sendo esta interese de diversos selos discográficos para o que será a corto prazo o primeiro CD deste grupo, o cal será producido por un músico e productor recoñecido internacionalmente.

Temas como LIVE, COMPLEXO DE VISTURÍ, … son os que farán vibrar e disfrutar, ó público asistente ó FESTIVAL INTEGRACCIÓN, un dos únicos no que o público poderá disfrutalos, xa que por motivos de estudio e producción artística, impiden que esta banda poda subirse durante o verán a outros escenarios.

PRIMER GRADO: stoner rock con sabor a marisco

2006-07-06T17:54:00.000+02:00

PRIMER GRADO, unha das bandas locais que participan no festival e que presentarán ese día 19 o seu primeiro traballo de estudio, un EP chamado "MANIACA", grabado en SinTonNiSon Estudios por Elias Domínguez, que recolle o primeiro ano de vida desta xove banda.
Riffs de guitarras pesados, música densa, voces agresivas e melodías cálidas son as principais armas dunha banda que ten claras influencias do Stoner Rock de finais dos '80.

Para máis información:
www.primergradoweb.tk
www.myspace.com/primergrado

Un pequeno avance

2006-07-05T19:29:00.000+02:00

Aquí tedes o videoclip “Enjoy the forbidden” do novo álbum que presentará SEX MUSEUM no festival, un adianto do que nos atoparemos… agharraivos!!

SEX MUSEUM no integrAcción 2006

2006-07-04T10:21:00.000+02:00

Confirmada a presenza no festival da mítica banda SEX MUSEUM presentando o seu novo álbum UNITED(Locomotive Music 2006), un disco que emprende novos camiños cheos de melodía, temas ó mais puro estilo SEX MUSEUM onde os coros fanse notar moito máis que en discos anteriores, e onde encontraremos auténticos himnos...i ese Hammond que tanto amamos os nostálxicos.
Antiguas influenzas, moito macarreo e a solidez madura digna dunha banda deste calibre.
Mais información: www.sexmuseumrock.com

Xerock – Integración a traverso da música

2006-07-03T17:42:00.000+02:00

A integración social e a normalización son dous dos principios que sustentan o traballo que se realiza cada día no Centro San Xerome Emiliani e que nos obriga a realizar actividades que garanticen unha relación normalizada co contorno social: saidas a cafeterías, conferencias, exposicións, restaurantes, …

A presenza dos nosos rapaces na vida social é cada vez máis intensa, non só coma meros espectadores senon coma membros activos que fan propostas e se responsabilizan, coma cualquera outro ciudadán, de cultivar o arte en calquera das súas expresións.

É por iso que adicamos parte do noso espazo no Centro a acoller exposicións, conferencias, ou outras propostas de distintos colectivos ou persoas que queran compartir co resto da sociedade as súas inquedanzas expresadas a traverso do debuxo, pintura, escultura, a palabra ou a música.

A nosa aportación nace dun grupo de oito persoas, das que seis son discapacitadas, que formaron unha banda de Rock chamada “Xerock“. Os seus compoñentes son: Generoso (Batería); Vanesa (Baixo), ámbolos dous usuarios do Centro San Xerome Emiliani; Víctor e Feliciano (Guitarras eléctricas), traballadores do Centro San Xerome Emiliani; e Carlos, Borja, Álvaro e Feliciano (Voces).

A súa primeira actuación foi o 8 de decembro de 2003 no Centro Cultural Caixanova en Vigo. O 20 de decembro de 2003 actuaron no Cine Avenida de A Guarda; o 20 de febreiro de 2004 nun multifestival transfronteirizo organizado polo Centro San Xerome Emiliani e a APPACDM de Viana do Castelo (Portugal). Siguen cumplindo os seus compromisos actuando en Goián o 20 de marzo de 2004 nun festival de teatro que nos brindaros os nosos amigos portugueses de distintas cámaras: Ponte de Lima, Melgaço, Viana do Castelo... do norte de Portugal. En novembro de 2004 actuaron no Auditorio “Pazo da Cultura“ de Pontevedra. O 6 de marzo de 2005 actuación, xunto a cinco grupos no instituto de “A Sangriña” en A Guarda. Por último en xullo de 2005, actuación en Vila Franca de Xira (Portugal) con motivo da inauguración dun centro de Educación Especial que atende a máis de 300 familias.
O pasado 24 e 25 de Marzo, fíxose a presentación oficial na Guarda (As de Copas) e Ames – Santiago de Compostela (Centro Cultural) do primeiro traballo discográfico do grupo, titulado “IntegrAcción”.

“IntegrAcción”

Esta música é a nosa ferramenta; un arma que non mata, senón que nos fai sentir máis vivos. En cada unha das nosas pequenas sinfonías hai unha grande historia por detrás; ás veces de desamor, outras veces de incomprensión... E nembargantes todas elas son no fondo unha pinga de esperanza.

Isto é máis que unha sincera aposta pola integración de persoas con discapacidade, é unha fiestra que abrimos ó mundo para mostrar un talento moitas veces infravalorado.

Cando comezou Xerock descoñecíamos ata onde nos podería levar esta aventura e, despois de todo o camiño percorrido, descubrimos que cada páxina que pasamos é un novo e apaixoante capítulo dun libro que non queres deixar de ler. Cada ensaio, cada concerto é unha dose de enerxía para seguir adiante, contra vento e marea.
Este traballo está adicado a todos aqueles que entenden e comparten a nosa particular loita.

Hola a todos e benvidos

2006-06-27T17:03:00.000+02:00

Sí amigos, ésta é a nova aventura na que se embarca o San Xerome: “IntegrAcción 2006 [MÚSICA E SOLIDARIDADE]". Novamente apostamos pola mistura de música, convivencia, tolerancia e, ... ¡festa rachada! Ou acaso non son compatibeis?.

O día 19 de agosto queremos construir no Antigo Estadio do Tecla de A Guarda un espazo escacha-utopías. Tres son os pilares deste Festival: a integración, a solidaridade, e como telón de fondo, os nosos 25 anos de historia nesta vila en prol dos dereitos de todos.

A entrada ó recinto será gratuita, e dentro poderanse atopar mercadiños solidarios, postos de artesanía, productos de comercio xusto e unha barra con prezos populares. Todo isto acompasado ó son da música dos máis de dez grupos que actuarán no evento, entre eles a banda da integrAcción: “XEROCK”.

Non sabemos se continuará esta travesía ano tras ano, mais sexa como sexa, a maquinaria xa está en marcha, as engranaxes engrasadas, zarpamos sen rumbo e convidámosvos a todos a navegar connosco.